Selalýsi hefur lækningamátt

Rannsóknir hafa leitt í ljós að hægt er að nota selalýsi til lækninga. Nýjar rannsóknir sýna að selalýsi og einnig hvalalýsi gagnast vel til að meðhöndla þarmabólgur. Þetta kemur fram á vefsíðunni Norden.org

Rannsóknirnar voru kynntar í tengslum við alþjóðlega selaráðstefnu í Vasa í Finnlandi. Um þessar mundir er nefnilega mikið rætt um hvernig nýta megi selaafurðir og hvernig hægt er að skapa markað fyrir þær.

Lækningamátturinn byggir á einstakri samsetningu omega-3 fitusýra í selalýsi. Í dag er kjötið nánast það eina sem er nýtt ef selnum, en spikið og þar með lýsið er nánast ekkert nýtt.

Rannsóknirnar hafa ekki eingöngu sýnt fram á læknisfræðilegan ábata heldur einnig efnahagslegar. Norrænu ríkin, aðallega Noregur, hafa verið í fararbroddi í þessum byltingarkenndu rannsóknum og á ráðstefnunni í Vasa kom fram ósk um stóraukið norrænt rannsóknasamstarf á lækningamætti selalýsis.