Happanærur og keðjutölvupóstar vinsælust

Happanærbuxur og áframsending keðjutölvupósta eru meðal vinsælustu hjátrúum Breta. Meira en helmingur þeirra sem tóku þátt í nýrri rannsókn segja að þeir trúi því að ef þeir fylgi sérstökum hefðum verði þeir heppnir, eða komist hjá óheppni. Hjátrú í sambandi við Internetið og drykkju er meira áberandi hjá yngra fólki samkvæmt rannsókninni.

Að klæðast happafötum á mikilvægum atburðum, eins og uppáhaldsnærbuxum á djamminu, var vinsælasta hjátrúin, með 24 prósent atkvæða.

Hefðbundin hjátrú, eins að slá í við og segja 7-9-13, að labba ekki undir stiga og brjóta ekki spegla, er áfram vinsæl, sérstaklega hjá fólki yfir 45 ára.

Næstum helmingur aðspurðra viðurkenndi að þeir bönkuðu í við til að forðast örlög.

„Við högum okkar á hjátrúarfullan hátt til að ná taki á lífum okkar," segir Richard Wiseman prófessor við Háskólann í Hertfordshire. Hann segir niðurstöðurnar sýna hversu djúpar rætur þessi tilhneiging á í okkur enn þann dag í dag, þrátt fyrir framþróun tækni og vísinda.

Rannsóknin var gerð í tengslum við opnun Sky Real Lives sjónvarpsstöðvarinnar.

1. Að klæðast happafatnaði til að ná árangri - 24%
2. Velja persónuleg númer í lottó - 22%
3. Horfa í augun á manneskju þegar skálað er og láta glösin snertast til að forðast sjö ára ógæfu - 21%
4. Þriggja daga reglan - Aldrei að hringja í stelplu eða strák daginn eftir að hitta þau, bíða í staðinn í nokkra daga til að koma stefnumóti í kring - 17%
5. Forðast kenningar um timburmenn; vín á undan bjór, er af og frá, bjór á undan víni það er málið - 16%
6. Snúa einni sígarettu öfugt í pakkanum fyrir góðu gengi - 15%
7. Svara eða áframsenda email og keðjubréf til að forðast ógæfu - 14%
8. Aldrei að setja nýja skó upp á borð 12%
9. Mála útidyrahurðina rauða fyrir heppni, en alls ekki svarta því það er fyrir óheppni 5%
10. Ef þú færð að minnsta kosti eina niðurstöðu frá internet leitarvél þegar þú googlar nafnið þitt, er það fyrir heppni 4%

1. Berja í við og segja 7-9-13 til að forðast slæm örlög - 40%
2. Aldrei opna regnhlíf innandyra - 20%
3. Aldrei að labba undir stiga - 17%
4. Trúa að stjörnuspár muni leiða í ljós sannleikann um ástarlíf, starfsframa eða fjáhag - 15%
5. Banna brúðgumanum að sjá brúðina í brúðarkjólnum fyrir brúðkaupið - 14%
6. Trúa að ef fuglaskítur lendi á þér sé það fyrir heppni - 12%
7. Trúa að ef þú brjótir spegil verði það til sjö ára ógæfu - 11%
8. Ef svartur köttur labbi fyrir framan þig sé það fyrir óheppni - 10%
9. Henda salti yfir vinstri öxl fyrir heppni - 9%
10. Forðast töluna 13 - ólán fylgir henni - 7%