Tugþúsundir í skólavörur

Barnmargar fjölskyldur greiða sumar hverjar tugi þúsunda fyrir skólavörurnar sem börnum þeirra er gert að kaupa fyrir veturinn. Langflestir grunnskólar landsins verða settir á morgun og venju samkvæmt eru allar skólavörubúðir troðfullar þessa síðustu daga fyrir skólasetningu.

Mjög misjafnt er hvaða vörur grunnskólanemendur þurfa að versla inn samkvæmt innkaupalistum og dæmi eru um að barnmargar fjölskyldur eyði tugum þúsunda króna í skólavörur. Við ákváðum að kanna málið. Fréttamaður keypti inn vörur fyrir þrjú grunnskólabörn sem eru á leið í þriðja, sjötta og áttunda bekk. Aðeins var keypt það sem beðið er um á innkaupalistum barnanna. Niðurstöðurnar eru sláandi.

Það er ekki nóg með að foreldrar þurfi að versla þessar vörur inn, þeir sem ekki sýna fyrirhyggju og versla á vorin eða sumrin þurfa líka að bíða í löngum röðum við kassa áður í troðfullum búðunum.