Vilja að Svandísarmáli verði vísað frá

Orkuveita Reykjavíkur vill að mál sem Svandís Svavarsdóttir, borgarfulltrúi Vinstri - grænna, höfðaði til þess á fá skorið úr um lögmæti eigendafundar fyrr í mánuðinum verði vísað frá. Krafan var lögð fram við fyrirtöku í málinu í morgun.

Eins og kunnugt er höfðaði Svandís málið þar sem hún taldi að boðað hefði verið til eigendafundarins með of skömmum fyrirvara en á fundinum var samþykkt var að sameina orkuútrásarfyrirtækin Reykjavik Energy Invest og Geysir Green Energy. Vill Svandís að ákvarðanir fundarins verði þar með gerðar ógildar.

Arnar Þór Stefánsson, lögmaður Orkuveitunnar í málinu, segir að félagið hafi í morgun lagt fram greinargerð í málinu þar sem fram komi að aðalkrafa þess sé að málinu verði vísað frá en til vara að félagið verði sýknað. Málfluntingur vegna frávísunarkröfunnar verður eftir hádegi á mánudaginn kemur.

Við fyrirtökuna í dag voru auk greinargerðar Orkuveitunnar lagður fram tölvupóstur tengdur málinu og fundargerð fundarins örlagaríka.