Fáfnismenn enn við Frakkastíg

Eigendur húsnæðisins við Frakkastíg og Hverfisgötu, þar sem vélhjólaklúbburinn Fáfnir heldur til, eru byrjaðir að ræða við Fáfnismenn um að þeir yfirgefi húsið.

„Það er byrjað að ræða við þá um að þeir fari," segir Ásgeir Friðgeirsson, talsmaður Björgólfsfeðga, en húsið er skráð á fyrirtæki í eigu þeirra. „Þeir eru með leigusamning og hafa því sinn rétt," bætir Ásgeir við. Leigusamningurinn fylgdi með þegar Björgólfsfeðgar keyptu húsið fyrir fáeinum mánuðum.

Jón Trausti Lúthersson, sem er félagi í Fáfni, vildi ekki tjá sig um húsnæðismál Fáfnis þegar Vísir náði tali af honum í dag. „Við erum staddir hérna í Vogunum að vinna lyftingamót sem er haldið til minningar um Jón Helgason, félaga okkar, sem féll fyrir hendi lögreglunnar í fyrra," sagði Jón Trausti.