Fimm húsleitir hjá Samkeppniseftirlitinu á þessu ári

Samkeppniseftirlitið gerði síðast húsleit í síðustu viku hjá Bónus, Krónunni og þremur birgjum vegna gruns um hugsanlegt ólögmátt samráð og þar með brot á samkeppnislögum. Þetta var fimmta húsleit stofnunarinnar á þessu ári.

Í byrjun mars var gerð húsleit hjá Samökum ferðaþjónustunnar og tveimur af stærstu ferðaskrifstofum landsins vegna gruns um samkeppnisbrot. Um hálfum mánuði síðar lagði Samkeppniseftirlitið hald á gögn hjá Fjölgreiðlsumiðlun ehf. sem er í eigu fjölmargra íslenskra fjármálafyrirtækja og rekur meðal annars svokallað Posa-kerfi. Sú húsleit tengdist einu húsleit síðasta árs sem gerð var hjá VISA og Kreditkortum í tengslum við rannsókn á samkeppnisbrotum.

5. júní gerði Samkeppniseftirlitið svo þriðju húsleit þessa árs hjá Mjólkursamsölunni, Osta og smjörsölunni og Auðhumlu vegna rökstudds gruns um brot á samkeppnislögum. Fjórða húsleitin fór svo fram í september en hún var gerð hjá Lyfjum og heilsu vegna gruns um að fyrirtækið notaði markaðsráðandi stöðu sína til að klekkja á keppinaut sínum á Akranesi. Húsleitirnar fimm snerta alls þrettán aðila.

Páll Gunnar Pálsson, forstjóri Samkeppniseftirlitsins, segir að ekki hafi orðið sérstökt stefnubreyting hjá eftirlitinu varðandi húsleitir. „Samkeppniseftirlitið er að eflast og fer af festu í málin. Það má segja að húsleitirnar séu ein birtingarmynd þess að eftirlitið sé að eflast," segir Páll Gunnar en tekur skýrt fram að stofnunin einungis í húsleit að vel ígrunuðu máli.

Aðspurður segir Páll að þrátt fyrir að Samkeppniseftirlitið hafi eflst að undanförnu þá þurfi að gera enn betur. Forsvarmenn stofnunarinnar hafi verið að beina sjónum stjórnvalda að því að undanförnu.