Svifryk yfir heilsuverndarmörkum um helgina

Svifryk fór yfir heilsuverndarmörk í borginni um helgina í kuldakaflanum sem þá gekk yfir.

Eftir því sem fram kemur í tilkynningu frá Umhverfissviði borgarinnar mældist svifryksmengun við mælingarstöð við Grensásveg 91 míkrógramm á rúmmetra á sólarhring á laugardag og rúm 52 míkrógrömm á rúmmetra á sunnudag. Viðmiðunarmörk eru hins vegar 50 míkrógrömm. Þá hefur svifryk farið fjórum sinnum yfir heilsuverndarmörk í Ártúnsbrekku frá því um miðja október.

Svifryk hefur því farið 14 sinnum yfir mörkin á þessu ári en samkvæmt reglugerð yfirvalda má það fara 23 sinnum yfir mörkin á árinu. Reykvíkingar geta fylgst með svifryksmælingum með því að skoða vefmæli á heimasíðu Umhverfissviðs. Núna síðdegis hefur svifryksmengun verið yfir mörkun en undir meðaltali frá miðnætti.