Þrír sækjast aftur eftir embætti ríkissaksóknara

Sex manns, þar af ein kona, sækjast eftir embætti ríkissaksóknara í stað Boga Nilssonar sem lætur af embætti um áramótin.

Þrír umsækjenda sóttu einnig um starfið þegar það var auglýst í sumar og stóð til að ráða í stöðuna öðrum hvorum megin við kosningahelgi í maí. Töluverðar deilur spruttu um ráðningu í embættið og dró einn umsækjenda, Jóhannes Rúnar Jóhannsson, umsókn sína til baka og bar því við að hann teldi að þegar væri búið að ráðstafa embættinu.

Björn Bjarnson dómsmálaráðherra ákvað svo að fresta því að ráða í stöðuna og gaf þær skýringar að fara þyrfti betur yfir umsóknirnar til þess til þess að fullnægja vel góðum stjórnsýsluháttum. Ráðherra frestaði því svo aftur að ráða nýjan saksóknara til áramóta eftir að hafa samið við Boga Nilsson um að sitja áfram.

Auk þeirra sækja Guðjón Ólafur Jónsson, hæstaréttarlögmaður og fyrrverandi þingmaður Framsóknarflokksins, Ólafur Þór Hauksson, sýslumaður á Akranesi, og Valtýr Sigurðsson, forstjóri Fangelsismálastofnunar ríkisins.