Össur undirritar í Indónesíu

Össur Skarphéðinsson iðnaðarráðherra og Purnomo Yusgiantoro orkumálaráðherra Indónesíu undirrituðu í dag samstarfssamning á milli þjóðanna tveggja í jarðvarmaámálum.

Í samkomulaginu felst að REI vinni með indónesíska jarðvarmafyrirtækinu Pertamina að sameiginlegri þróun á þekkingu og reynslu á sviði jarðvarmarannsókna. Stefnt er að því að samstarf þetta leiði til þess að jarðvarmi verði nýttur enn frekar í Indónesíu.

"Ég er himinlifandi með að þessir samnigar hafi verið undirritaðir. Þeir sýna fram á hversu einbeittir Íslendingar og Indónesar eru í að þróa jarðvarmaþekkingu og koma henni á framfæri," er haft eftir Össuri Skarphéðinssyni í dag.