Offita orðin að „heimsfaraldri“

Fólk um allan heim er að verða feitara samkvæmt nýrri könnun Circulation journal sem framkvæmd var á einum degi víða um heim. Einungis íbúar Asíu eru möguleg undantekning samkvæmt könnuninni.

Á milli 50 og 66 prósent karla og kvenna í 63 löndum í fimm heimsálfum - fyrir utan Bandaríkin - voru annað hvort í yfirvigt, eða akfeit á síðasta ári. Meira en 168 þúsund manns tóku þátt í könnuninni sem gerð var af læknum.

Sérfræðingar segja niðurstöðurnar sýna afar alvarlegt ástand sem valdi þeim miklum áhyggjum.

Fólk sem er of þungt er líklegra til að fá hjartsjúkdóma, sykursýki II og aðra sjúkdóma eins og vissar tegundir krabbameins.

Tekið var tillit til tveggja þátta í könnuninini. Annars vegar ummáli mittis og hins vegar útreikningi á líkamsmassastuðli.