Eddutilnefningar kynntar á morgun

Tilnefningar til Edduverðlaunanna 2007 verða tilkynntar á morgun. Kosið verður í 16 flokkum auk þess sem heiðursverðlaun verða afhent og almenningur kýs um vinsælasta sjónvarpsþáttinn á Vísi.

Það eru meðlimir Íslensku kvikmynda- og sjónvarpsakademíunnar sem kjósa úr hópi tilnefndra, en þeir telja um 700 manns.

Almenningur mun svo velja úr fimm vinsælustu sjónvarpsþáttunum í kosningu á visir.is á meðan beinni útsendingu verðlaunaafhendingunnar stendur.

Edduverðlaunin verða veitt á Hótel Nordica 11. nóvember næstkomandi og sjónvarpað á RUV.