Faðernismál Lúðvíks sett í dóm

Fyrirtaka í máli Lúðvíks Gizurarsonar á hendur þeim Steingrími og Pálínu Steingrímsbörnum vegna faðernismáls Lúðvíks var tekið fyrir og sett í dóm í Héraðsdómi Reykjavíkur í dag.

Eins og greint var frá í síðustu viku sýnir DNA-rannsókn að 99,9 prósent líkur eru á því að Lúðvík sé sonur Hermanns Jónassonar, fyrrverandi forsætisráðherra, og föður Steingríms og Pálínu. Áður hefur fengist staðfest fyrir dómi að Gizur Bergsteinsson, sem talið var að væri faðir Lúðvíks, var ekki faðir hans. Það er dómsins nú að kveða upp úr um það hvort Lúðvík sé Hermannsson eða hvort hann þurfi áfram að leita föður síns.