Lögreglan varar við skartgripaþjófum

Lögreglan á höfuðborgarsvæðinu varar starfsmenn skartgripaverslana við óprúttnum aðilum sem hafa þegar stolið skartgripum úr einni verslun í Reykjavík og gert tilraun til þjófnaðar í annarri verslun í borginni. Lögregla segir að um sé að ræða karl og konu af austur-evrópskum uppruna „en þau eru bæði dökk yfirlitum," eins og segir í tilkynningu.

„Með þeim í för er stundum ung stúlka, 4-5 ára. Talið er að konan sé um þrítugt en maðurinn nokkru eldri en hann er mjög vel til fara. Fólkið beitir þeirra aðferð að fanga athygli starfsmanna verslana með því að maðurinn dregur upp seðlabúnt og lætur sem hann ætli að kaupa tiltekinn hlut. Á meðan virðist sem konan eða barnið steli skartgripum þegar ekki sést til þeirra," segir lögreglan.

Þeir sem verða fólksins eða bílsins varir eru beðnir um að hafa samband við lögregluna á höfuðborgarsvæðinu í síma 444-1000.