Meintir nauðgarar eiga að baki dóma í Litháen

Hæstiréttur hefur staðfest gæsluvarðhaldsúrskurð yfir tveimur Litháum sem grunaðir eru um hrottafengna nauðgun í miðborg Reykjavíkur fyrr í mánuðinum.

Mennirnir eru taldir hafa naugðað fertugri konu í húsasundi í mibænum en hún hafði hitt mennina á skemmtistað. Báðir eiga mennirnir að baki sakaferil í Litháen. Annar þeirra afplánaði tveggja ára fangelsisrefsingu fyrir þjófnað og fjögurra ára fangelsisrefsingu fyrir rán en hinn árs fangelsisrefsingu fyrir þjófnað og fjögurra og hálfs ár fangelsisrefsingu fyrir fjárkúgun.

Þykir lögreglu fram kominn rökstuddur grunur um naugðunina og því fór hún fram á gæsluvarðhald til 21. desember. Á það féllust bæði Héraðsdómur og Hæstiréttur.