Átján kærðir vegna barnaráns

Líklegt er að átján manns verði ákærðir vegna tilraunar til að ræna um eitt hundrað börnum frá Chad.

Níu frakkar, sjö spánverjar og tveir menn frá Chad eiga nú yfir höfði sér ákærur fyrir aðild að málinu. Fólkið var handtekið í borginni Abeche á fimmtudag þegar það reyndi að flytja börnin í flugvélina sem átti að flytja þau til Evrópu.

Stofnunin sem skipulagði flutning barnanna segir að börnin séu munuaðarleysingjar frá stríðshrjáðu Darfur héraðinu og að aðgerðir þeirra hafi verið löglegar. Starfsmenn Barnahjálpar Sameinuðu þjóðanna, Unicef, segja hins vegar að mörg barnanna eigi foreldra á lífi og séu frá þorpum í Chad.