Elvis vinsælli en Jesús

Allt á milli himins og jarðar leynist á netinu, þar á meðal Myspace-síðurnar sem hafa slegið í gegn að undanförnu. Jesús, Bin Laden, Marilyn Monroe og Mozart eru á meðal þeirra sem eiga sitt pláss á Myspace.

Vitaskuld er hérna um svokallaðar aðdáenda- eða grínsíður að ræða og hafa margar þeirra notið mikilla vinsælda þó að sumum þykið gamanið eflaust grátt.

Vingast á netinu

Flestar síðurnar sem hér um ræðir gera út á það að þær heimsþekktu persónur sem eru látnar séu enn á lífi, rétt eins og aðrir Myspace-notendur. Hjúskaparstaða, stjörnumerki og starfsvið er á meðal upplýsinga sem eru gefnar upp, enda þarf allt slíkt að vera á hreinu ef þessar persónur eiga að eignast einhverja vini á netinu.

Elvis í efsta sæti

Af þeim sem blaðamaður fann á Myspace var kóngurinn sjálfur Elvis Presley vinsælastur með rúmlega 34 þúsund vini. Næstur á eftir honum kom sjálfur Jack Bauer, sem hefur farið á kostum í spennuþættinum 24, með rúma sextán þúsund vini. Í þriðja sætinu varð síðan þokkagyðjan Marilyn Monrore. Næstóvinsælastur var illmennið og hryðjuverkamaðurinn Osama Bin Laden með rúmlega 1200 vini en Díana Prinsessa rak lestina með rúma átta hundruð vini. myspace.com/jackbauerforpresident

Hjúskaparstaða: Í sambandi

Stjörnumerki: Steingeit

Börn: Stoltur faðir

Starf: Alríkisfulltrúi

16.052 vinir myspace.com/miss_marilyn_monroe

Hjúskaparstaða: Skilin

Stjörnumerki: Tvíburi

Reykir/Drekkir: Já/Já

Starf: Leikkona, fyrirsæta, söngkona og goðsögn

4722 vinir myspace.com/amadeusmozart

Hjúskaparstaða: Kvennabósi

Heimabær: Salzburg, Austurríki

Reykir/Drekkur: Nei/Já

Börn: Ekki viss

2391 vinur myspace.com/isthisjesus

Hjúskaparstaða: Einhleypur

Heimabær: Nazaret

Uppruni: Mið-Austurlönd

Stjörnumerki: Steingeit

Starf: Fyrrverandi smiður

2180 vinir myspace.com/Osama*0o..o0*

Hjúskaparstaða: Giftur nokkrum konum

Uppruni: Sádi Arabía

Stjörnumerki: Vatnsberi

Reykir/Drekkur: Nei/Já

Starf: Barátta Islam

1257 vinir www.myspace.com/prindi

Hjúskaparstaða: Skilin

Stjörnumerki: Krabbi

Reykir/Drekkur: Nei/Já

Börn: Stolt móðir

Starf: Prinsessa

828 vinir