Ríkisskattstjóri staðfestir tölur um aukna skattheimtu

Indriði H. Þorláksson, ríkisskattstjóri, staðfestir að tölur Stefáns Ólafssonar prófessors um aukna skattheimtu séu réttar. Hann segir að rýrnun persónuafsláttar leiði til meiri skattbyrði á lægri tekjur. Hann telur þó að stærsti áhrifavaldurinn í aukinni skattbyrði sé launaþróun og kaupmáttaraukning.

Fullyrðingar ríkisstjórnarinnar um að skattar hafi lækkað hér á landi eru einhver mestu ósannindi íslenskra stjórnmála í marga áratugi. Þetta sagði Stefán Ólafsson prófessor í blaðagrein í síðustu viku. Fram kom að 90% íslensku þjóðarinnar hefðu orðið fyrir kjararýrnun vegna aukinnar skattbyrði á síðustu 10 árum. Þegar ríkisskattstjóri er inntur álits á grein Stefáns segir hann að líta verði á tvennt, annars vegar tölurnar og hins vegar túlkun þeirra.

Indriði segir að skattbyrðin ráðist af tveimur þáttum, annarsvegar skatthlutfallinu og hins vegar persónuafslættinum