Alcan á Íslandi og Landsvirkjun ræða um raforkusamning

Landsvirkjun og Alcan á Íslandi hafa samþykkt að taka upp einkaviðræður um raforkusamning fyrir stækkun álversins í Straumsvík. Stefnt er að því að þeim viðræðum ljúki fyrir lok þessa árs.

Fram kemur í fréttatilkynningu að Alcan hafi unnið að því að auka framleiðslugetu álversins í Straumsvík um 280 þúsund tonn á undanförnum árum. Stefnt er að því að framkvæmdum ljúki og rekstur hefjist árið 2010.

Alcan og Orkuveita Reykjavíkur hafa undirritað viljayfirlýsingu um að Oruveitan útvegi hluta raforkunnar til stækkunarinnar eða sem samsvarar 40% af heildar orkuþörf.

Í tilkynningunni segir að það sem upp á vanti samsvari orkuframleiðslugetu Búðarhálsvirkjunar í Tungnaá og í virkjunum þeim í Neðri Þjórsá sem holtið hafi samþykki í mati á umhverfisáhrifum.

Landsvirkjun mun ekki ræða við aðra orkukaupendur um sölu á rafmagni frá þessum virkjunarkostum á meðan viðræður þessar standa.