Victoria Beckham geimvera

Kryddpían Victoria Beckham er sögð munu leika stórt hlutverk í nýrri kvikmynd sem Tom Cruise er að gera, um Vísindakirkjuna svonefndu, sem hann tilheyrir. Beckham mun eiga að leika brúði utan úr geimnum.

Cruise fjármagnar myndina sjálfur, þar sem öll stóru kvikmyndafyrirtækin höfnuðu þáttöku. Það er sama og John Travolta gerði fyrir einhverjum árum, en hann tilheyrir einnig Vísindakirkjunni. Travolta gerði myndina "Battlefield Earth" sem var byggð á sögu eftir Ron Hubbard, stofnananda Vísindakirkjunnar.

Það er skemmst frá því að segja að mynd Travoltas fékk hroðalega útreið hjá gagnrýnendum, og sökk til botns.