Fyrstu björgunarsveitarmenn komnir

Fyrstu björgunarsveitarmenn eru komnir í Hoffelsdal við Fáskrúðsfjörð en eins manns er saknað eftir að snjóflóð féll þar undir kvöldið. Leit er hafin og björgunarsveitarmenn notast við leitarhunda. Björgunarsveitir frá Fáskrúðsfirði, Reyðarfirðir, Eskifirði, Neskaupstað, Egilstöðum, Seyðisfirði og Vopnafirði taka þátt í leitinni.

Tveir vélasleðamenn voru á ferð þegar snjóflóðið féll og lenti annar mannanna í flóðinu. Óskað var eftir aðstoð Landhelgisgæslunnar en talið er að Sif ráði ekki við björgunina þar sem enginn nætursjónaukir er um borð í þyrlunni. Landhelgisgæslan hefur óskað eftir aðstoð Varnarliðsins og nú er svars beðið frá þeim.

Mjög slæmt aðgengi er á slysstaðnum og óráðlegt að fara þangað fótgangandi. Um þriggja tíma flug er austur á firði í björgunarþyrlunni.