Listi yfir fanga í Gantanamo skal afhentur

Alríkisdómari í Bandaríkjunum hefur fyrirskipað varnarmálaráðuneytinu þar í landi að afhenda AP-fréttastofunni lista yfir þá tæplega 500 fanga sem eru í haldi Bandaríkjamanna í Guantanamo-fangelsinu á Kúbu.

Fjölmargir þeirra hafa mátt dúsa þar í fjögur ár. Þeir sem þar eru í haldi eru grunaðir um að tengjast al Kaída hryðjuverkasamtökunum eða Talíbönum. Margir hafa verið í haldi án ákæru.

Þeir listar sem áður hafa verið birtir hafa verið ritskoðaðir en svo á ekki að vera í þessu tilfelli. Bandarísk stjórnvöld hafa frest fram á næsta föstudag til að afhenda listann. Varnarmálaráðuneytið ætlar ekki að áfrýja dómnum.