Oprah Winfrey segist ekki vera lesbía

Spjallþáttadrottningin Oprah Winfrey hefur neitað orðrómi um að hún sé samkynhneigð. Slúðurpressan gerði sér mat úr því að Oprah er mjög náin vinkonu sinni og viðskiptafélaga, Gayle King, og fór svo að Oprah og Gayle ræddu málið í blaði Opruh, O.

"Ég skil hvers vegna fólk heldur að við séum lesbíur. Það er engin skilgreining til í menningu okkar fyrir svona samband milli kvenna," sagði Oprah. "Sannleikurinn er sá að ef við værum lesbíur myndum við segja ykkur það, því það er ekkert að því að vera samkynhneigður," sagði Gayle í blaðinu.

Oprah og Gayle hafa verið vinkonur í þrjátíu ár og Ophra viðurkennir að samband þeirra sé ansi sérstakt, enda talast þær oft við í síma fjórum sinnum á dag þegar þær eru ekki í sömu borg. Það er eitthvað við þetta samband sem er ekki jarðneskt, eins og það hafi verið hannað af öðru og stærra valdi en mínu eigin, sagði Oprah sem enn hefur ekki gengið upp að altarinu þrátt fyrir að hafa verið með sama manninum í nálægt tvo áratugi.