Kjarasamningar verða endurskoðaðir í haust. Fjögurra manna forsendunefnd frá Samtökum atvinnulífsins og Alþýðusambandinu mun þá fara yfir forsendur samninganna og eins og staðan er nú virðist útlit fyrir að þeim verði sagt upp í desember. Málið blasir aðeins öðruvísi við Árna Mathiesen fjármálaráðherra, sem segir ekki rétt að verðbólgan hafi étið upp forsendur samninganna. Þvert á móti hafi kaupmáttur taxtalauna aukist á árinu og því sama sé spáð á næsta ári.
