Trúnaðarbrestur á milli kennara og forystunnar?

Um 200 kennarar úr tólf framhaldsskólum mótmæltu í dag styttingu náms til stúdentsprófs og samkomulagi kennaraforystunnar við menntamálaráðherra.

Kennararnir sendu frá sér tvær harðorðar ályktanir, -þar sem þeir segja meðal annars, forystu Kennarasambandsins rangtúlka vilja félagsmanna sinna gróflega.

Fundurinn mótmælti hugmyndum um styttingu framhaldsskólans úr fjórum árum í þrjú. Kennarnir segja engin rök hafa komið fram sem réttlæta slík áform.

Þá lýsti fundurinn yfir óánægju með samkomulag Kennarasambands Íslands og menntamálaráðherra frá því í byrjun febrúar, -og telur forystu Kennarasambandsins -rangtúlka- vilja félagsmanna sinna gróflega.

Það að kennaraforystan hafi leyft menntamálaráðherra, athugasemdalaust, að lýsa því yfir að samkomulag hefði náðst um styttingu náms til stúdentsprófs segir fundurinn vera forkastanlegt.