Tilnefnt fyrir það versta

Eins og flestir þeir sem fygljast með kvikmyndaheiminum vita þá er nú tímabil verðlaunaafhendinga fyrir bestu myndir og framistöðu í kvikmyndum á nýliðnu ári. En það er ekki einungis verðlaunað fyrir góða framistöðu heldur einnig veitt hin sívinsælu Hindberjaverðlaun, sem eru skammarverðlaun fyrir það allraversta í kvikmyndaheiminum.

Það þykir ekki eftirsóknarvert að hljóta Gullna-hindberið, skammarverðlaun kvikmyndaiðnaðarins í Hollywood og oftast nær mæta verðlaunahafar ekki til að taka við viðurkenningunni. Leikkonan Hallie Berrie er raunar sú eina sem tekið hefur við verðlaununum undanfarin ár en þau hlaut hún fyrir hrikalega framistöðu í hlutverki kattarkonunnar. Í dag var svo tilkynnt um tilnefningar fyrir það versta á liðnu ári í kvikmyndunum. Sú mynd sem flestar tilnefningar hljýtur þetta árið er framhaldið af mynd Jim Carrey um grímumanninn, Son of Mask, sem þykir í alla staði hrikaleg bíómynd enda hlaut hún sjö tilnefningar.

Tveir Íslandsvinir eru tilnefndir fyrir slæma framistöðu en það eru þeir Rob Schneider fyrir framistöðu sína sem evrópugleðisveinninn Deuce Bigalow og Jamie Kennedy sem lék í fyrrnefndri mynd um son Grímunnar. Leikkonurnar Jenny McCarthy og Jessica Simpson hljóta svo þrjár tilnefningar hvor og sanna þar með að ekki er allt unnið með útlitinu einu saman.Verðlaunin verða svo afhent þann 4. mars næstkomandi.