Eiríkur Hauksson syngur með Pops

Ein þekktasta sveit ´68 kynslóðarinnar Pops verður með tónleika á Kringlukránni um helgina og hafa fengið til liðs við sig stórrokkarann Eirík Hauksson.

Það verður að teljast hvalreki, því Eiríkur Hauksson hefur um árabil verið einn fremsti söngvari þjóðarinnar. Pops hafa í meira en áratug skemmt gestum á Kringlukránni í kringum þrettándann við frábæran orðstír.

Það verður því dúndur þrettándagleði á Kringlukránni föstudaginn 6. og laugardaginn 7.janúar þegar pops og Eiríkur Hauksson fara í gegnum "sixties" smellina með Bítlunum, Stones, Dylan, Kinks, o.fl. Drengirnir munu svo sannarlega halda kyndli gömlu meistarana hátt á lofti.