Ánægður með niðurstöður Hæstaréttar

Sigurjón M. Egilsson, fréttastjóri Fréttablaðsins, er ánægður með dóm Hæstaréttar í máli Jónínu Benedikstdóttur gegn 365 prentmiðlum. Fréttablaðið fékk tölvubréf Jónínu afhent á ný í morgun en Sýslumaðurinn í Reykjavík tók tölvubréfin í sína vörslu fyrr í vetur.

Sigurjón M. Egilsson, fréttastjóri Fréttablaðsins, hyggst rifja upp efni gagnanna um helgina en gerir ekki ráð fyrir að innihald þeirra rati á ný á síður blaðsins. En er hann ánægður með dóm Hæstaréttar?

Hæstiréttur aflétti einnig lögbanni sem bannaði blaðinu að vísa í eldri fréttir sem byggðu á innihaldi tölvubréfanna. Sigurjón segir dóminn ekki einungis sigur fyrir Fréttablaðið heldur alla blaða- og fréttamenn í landinu.

Dagblaðið Blaðið greinir frá því í dag að Hróbjartur Jónatansson, lögfræðingur Jónínu Benediktsdóttur, hyggist leita leiða til að fá dómnum hnekkt og það gerist aðeins fyrir alþjóðlegum dómstólum. Hróbjartur gaf ekki kost á viðtali við NFS í dag.