1800 fleiri fluttu til landsins en frá því

Rúmlega átján hundruð fleiri fluttu til landsins fyrstu þrjá mánuði ársins en frá því, samkvæmt tölum Hagstofunnar. Þar af settist rösklega helmingur að á höfuðborgarsvæðinu. Ef litið er á búrferlaflutninga innanlands kemur í ljós að nú flytja fleiri til höfuðborgarsvæðisins en frá því, en það hafði heldur verið í hina áttina í fyrra. Einnig vekur athygli að fleiri Íslendingar flytja frá Austfjörðum en til þeirra, þannig að stóriðjan þar er ekki farin að hafa þau áhrif á íbúaþróun sem stjórnvöld höfðu reiknað með.