Kjaradeilan í hnút

Álfheiður Bjarnadóttir, talskona viðræðunefndar starfsmanna á dvalar- og hjúrkunarheimilum, segir kjaradeiluna í hnút og starfsfólk sé farið að leggja drög að uppsögnum. Samninganefndir Eflingar og Samtaka fyrirtækja í heilbrigðisþjónustu funduðu í dag en án árangurs. Álfheiður segir þungt hljóð í fólki. Næsti fundur hefur verið ákveðinn klukkan eitt á morgun í húsi Ríkissáttasemjara en Álfheiður segist ekki bjartsýn á að sá fundur beri meiri árangur en fyrri fundir. Starfsfólk á dvalar- og hjúkrunarheimilum hefur boðað frekari setuverkfall eða uppsagnir á fimmtudaginn leysist kjaradeilan ekki fyrir þann tíma.