Klámmyndastjarna kom upp á milli

Nú er komin upp á yfirborðið ástæðan fyrir skilnaði Britney Spears og Kevin Federline. Parið var búið að vera óhamingjusamt lengi en nú á Federline að hafa haldið framhjá Spears ítrekað með klámmyndastjörnunni Kendru Jade. Hún er fræg stjarna blárra mynda í Hollywood og hefur meðal annars gert garðinn frægan með því að sofa hjá 350 karlmönnum í einu.

Federline á að hafa átt í sambandi við hana síðan í desember síðastliðinn en kunningjar hans segja við blaðið Star að „þau séu bara vinir sem sofi saman, þau verði aldrei kærustupar“.

Þessar fregnir af Federline gerðu útslagið fyrir Spears enda sótti hún um skilnað stuttu eftir að hún frétti af þessu.