Frjáls markaður að bregðast á sviði lyfjainnflutnings

Halda má því fram með fullum rétti að frjáls markaður sé að bregðast landsmönnum á sviði lyfjainnflutnings, ef innflutningur á ódýrum samheitalyfjum verður ekki stór aukinn, segir Sigurður Guðmundsson landlæknir í grein í Morgunblaðinu í morgun. Að óbreyttu geti verið skynsamlegt fyrir ríkið að hefja á ný lyfjainnflutning með nýrri og endurborinni Lyfjaverslun Íslands. Máli sínu til stuðnings greinir hann frá könnun Landlæknisembættisins á lyfjaverði hér og í Danmörku, sem sýnir að lyfjaverð hér getur verið allt að tólffalt hærra en í Damnörku.