Hvítasunnan haldin hátíðleg víða um land

Kristnir menn halda Hvítasunnuna hátíðlega í dag og voru bekkir víða þéttsetnir í kirkjum landsins í dag. Hvítasunnan er þriðja stórhátíð kristninnar og með henni lýkur pásktatímanum.

Koma heilags anda í kirkju Krists er minnst í dag en dagurinn er stofndagur kirkjunnar. Sr.Sigurður Pálsson predikaði í hátíðarmessu í Hallgrímskirkju í morgun í sinni síðustu messu í kirkjunni en Sr. Sigurður mun brátt láta af störfum sem sóknarprestur. Í hans stað kemur sr. Jón Dalbú. Þá söng mótettukórinn undir stjórn Harðar Áskelssonar organista.

Í fíladelfíu var einnig hátíðarmessa og þar var gospeltónlistin sungin af lífs og sál. Gospelkór Reykjavíkur söng fyrir kirkjugesti sem tóku vel undir og nutu tónlistarinnar. Fjöldi manns var í messunni, en hópur Norðmanna var meðal gesta að þessu sinni. Þá fékk ung stúlka ungbarnablessun og fimm drengir skýrðust í kirkjuna.