Fékk verðlaun fyrir drottningu

Darri Snær Nökkvason fékk heldur betur góðar móttökur á Bessastöðum þegar verðlaun voru afhent í Skákmyndasamkeppni Hróksins í gær. Viðtökur forsetafrúarinnar voru vel við hæfi því Darri Snær fékk verðlaun fyrir krúttlegustu myndina. Ég teiknaði drottningu sem hélt sér fast í kónginn því hún var að detta af skákborðinu, sagði Darri Snær sem er níu ára Hornfirðingur.

Verðlaun fyrir frumlegustu myndina hlutu Guðbjörg Þóra Stefánsdóttir og Ásdís Rós Alexandersdóttir, fyrir skemmtilegstu myndina hlaut Hólmfríður Ásbjarnardóttir fyrstu verðlaun. Sérstök aukaverðlaun voru veitt fyrir skúlptúr sem heitir í höfuðið á skákfélaginu en það verk er eftir Asra Rán Björt Z. Samper.