Borat ástæða skilnaðarins

Nú hafa Pamela Anderson og Kid Rock ákveðið að fara hvort í sína áttina eftir aðeins fjögurra mánaða hjónaband. Þær sögur ganga nú fjöllunum hærra í Hollywood að ástæða skilnaðarins hafi verið hlutverk Pamelu í kvikmyndinni um sjónvarpsmanninn Borat sem nýtur mikilla vinsælda meðal áhorfenda.

Í kvikmyndinni á Borat að vera yfir sig ástfanginn af Pamelu og vill kvænast henni.

Kid Rock líkaði ekki hlutverk Pamelu og kallaði hana öllum illum nöfnum eftir að hafa séð myndina og fannst spúsa sín greinilega bera sig of mikið í myndinni. Pamela fékk nóg en þetta var víst ekki fyrsta reiðikast Kid Rock gegn henni og á hann víst erfitt með að stjórna skapi sínu.