Byrjuð að reykja

Fegurðardísin og leikkonan Scarlett Johansson er byrjuð að reykja sígarettur eins og strompur eftir að hún fékk fregnir af framhjáhaldi kærasta síns Josh Hartnett. Slúðurblöðin vestanhafs hafa verið full af fréttum af sambandi Harnett við dularfulla dökkhærða konu á meðan hann er við tökur í Ástralíu.

Nágrannar Johansson hafa kvartað mikið undan reykingalykt úr íbúð hennar en hún neitar að hafa opinn gluggann heima hjá sér og hefur svarað gagnrýni nágrannanna þannig: „Lesið þið ekki blöðin? Ég er að ganga í gegnum erfitt tímabil núna og má því reykja eins og ég vil.“