Vill ræða skrif Hér og nú

Ragnar Aðalsteinsson, lögmaður Bubba Morthens, hefur sent þeim Gunnari Smára Egilssyni forstjóra 365 miðla, Garðari Erni Úlfarssyni ritstjóra Hér og nú og Eiríki Jónssyni blaðamanni tímaritsins bréf þar sem hann óskar eftir fundi til að ræða umfjöllun tímaritsins um Bubba. Gunnar Smári vildi aðspurður ekki segja annað um innihald bréfsins en að í því fælist umleitun um að haldinn yrði fundur með málsaðilum. Hvorki Garðar Örn Úlfarsson né Eiríkur Jónsson vildu tjá sig um málið við Fréttablaðið en staðfestu þó að hafa fengið umrætt bréf.