Bréf send til 1300 öryrkja

Alls voru um 1300 öryrkjar krafðir um skattframtöl síðustu þriggja ára fyrir örorkumat. "Skattstofur hafa brugðist vel við fólki sem leitar til þeirra," segir Matthildur Hermannsdóttir, framkvæmdastjóri greiðslustofu lífeyrissjóðanna. "Það á að vera vandalaust að fá þessi gögn þó það taki mislangan tíma. Það er í undantekningartilfellum sem óskað var eftir gögnum langt aftur í tímann." Elstu framtölin sem um ræðir eru frá 1973 en skattstofur eiga ekki eldri skýrslur en frá 1979, en eldri framtöl eru varðveitt á Þjóðskjalasafni Íslands.