Atvinnuleysi á Suðurnesjum eykst

Atvinnuleysi á Suðurnesjum jókst um 10% á milli mánaða, þrátt fyrir að atvinnuleysi hafi minnkað á landsbyggðinni samkvæmt tölum frá Vinnumálastofnun. Alls voru 166 skráðir atvinnulausir á Suðurnesjum í júní meðan 182 voru skráðir í þessum mánuði. Þar af voru 54 karlmenn atvinnulausir og 128 konur, en frá þessu er greint á vef Víkurfrétta. Atvinnuleysi hefur þó minnkað verulega á Suðurnesjum frá áramótum, en þá voru rúmlega 330 einstaklingar atvinnulausir á svæðinu en í síðasta mánuði voru þeir rúmlega 160.