Fækkun banaslysa á Reykjanesbraut

Ekkert banaslys hefur orðið á Reykjanesbraut síðustu fjórtán mánuði. Á jafnmörgum mánuðum þar á undan létust sjö einstaklingar í sjö slysum. Formaður áhugahóps um örugga Reykjanesbraut þakkar fækkun slysa tvöfaldri braut. Á árunum frá 1963 til 2003 létust sextíu einstaklingar í slysum á Reykjanesbraut eða einn einstaklingur með 300 daga millibili. Á árunum 2000 til 2003 lést einstaklingur í slysum á brautinni með 99 daga millibili eða alls 11 einstaklingar á tímabilinu. Á árinu 2003 létust sex einstaklingar eða að meðaltali einn með 60 daga millibili.