Hrafn á lokasprettinum í maraþoni

Hrafn Jökulsson hefur nú lokið 239 skákum af 250 í maraþontafli sínu sem hann hóf í Kringlunni klukkan níu í gærmorgun. Búist er við að hann ljúki skákunum 250 á næsta klukkutímanum, en hann hafði sett sér það markmið að klára þær á innan við 40 klukkustundum. Hrafn ku vera nokkuð brattur og hefur hann unnið um 90 prósent af skákunum. Tilgangur taflmaraþonsins er að safna að safna fé fyrir taflsettum handa börnum á Austur-Grænlandi og geta áhugasamir lagt sitt af mörkum með því að leggja inn á söfnunarreikning í Íslandsbanka númer 513-26-1188 eða með því að hringja í síma 904 2004. Þá gjaldfærast 500 krónur af símareikningi.