Breytingar á eignarhaldi hjá Marel

Umtalsverðar breytingar hafa orðið á eignarhaldi Marel á síðustu vikum. Eignarhlutur Burðaráss hf., sem hefur verið leiðandi hluthafi, hefur flust yfir til Landsbanka Íslands hf. Á sama tíma hefur Eyrir fjárfestingafélag ehf. aukið sinn hlut verulega og á nú tæplega þrjátíu prósent í félaginu. Fráfarandi stjórnarformaður Friðrik Jóhannsson bendir á að Eyrir sé að mestu í eigu tveggja einstaklinga og þeir eigi mikla hagsmuni í Marel. Við þessar aðstæður er mikilvægt að þeir taki frumkvæði í rekstri félagsins, segir hann. Við stjórnarformennsku tekur Árni Oddur Þórðarson framkvæmdastjóri Eyris.