Ein sameiningartillaga samþykkt

Kjósendur í fjórum sveitarfélögum á Austfjörðum samþykktu tillögu um að sameina sveitarfélögin og urðu þar með fyrstir, og enn sem komið er einir, til að samþykkja sameiningartillögu. Mjóifjörður, Fjarðarbyggð, Austurbyggð og Fáskrúðsfjarðarhreppur sameinast því í eitt sveitarfélag. Fjórtán sameiningartillögum hefur verið hafnað. 99 prósent gegn sameiningu í Grýtubakkahreppi Í Eyjafirði var lagt til að níu sveitarfélög sameinuðust. Tillagan var felld með 55 prósentum atkvæða á Akureyri, meirihluti kjósenda í Hörgárbyggð (89 prósent) greiddu einnig atkvæði gegn tillögunni líkt og kjósendur í Arnarneshreppi (65 prósent) og á Dalvík (64 prósent)  auk Svalbarðsstrandarhrepps (74 prósent) og Eyjafjarðarsveitar (86 prósent). Íbúar í Grýtubakkahreppi voru þó áberandi mest á móti, 99 prósent þeirra greiddu atkvæði gegn tillögunni. Siglfirðingar (65 prósent) og Ólafsfirðingar (56 prósent) voru einir um að vilja sameiningu. Tillagan var því felld og verður ekkert af sameiningu í Eyjafirði utan að Akureyringar og Hríseyingar höfðu áður ákveðið að sameinast og kusu sem eitt sveitarfélag í kosningunum nú. Samþykkt á Austfjörðum Kjósendur í fjórum sveitarfélögum á Austfjörðum samþykktu tillögu um að sameina sveitarfélögin og urðu þar með fyrstir, og enn sem komið er einir, til að samþykkja sameiningartillögu. 76 prósent kjósenda í Mjóafirði, 53 prósent í Fjarðarbyggð, 72 prósent í Austurbyggð og 67 prósent kjósenda á Fáskrúðsfirði greiddu atkvæði með því að sameina sveitarfélögin. Sameiningu hafnað á slóðum ráðherra Árni Magnússon félagsmálaráðherra sagði það eina skynsamlega í stöðunni að sameina sveitarfélög þegar hann greiddi atkvæði í heimabæ sínum, Hveragerði, laust fyrir hádegi. Sveitungar hans voru á öðru máli og var tillaga um sameiningu Hraungerðishrepps, Villingaholtshrepps, Gaulverjabæjarhrepps, Árborgar, Hveragerðis og Ölfuss felld. Kolfellt á Snæfellsnesi Snæfellingar höfðu lítinn áhuga á að sameina sveitarfélög sín. Atkvæðagreiðsla þar um var felld í hverju einasta sveitarfélagi. Mest var andstaðan í Grundarfirði, 85 prósent, en minnst í Eyja- og Miklaholtshreppi, 57 prósent. 79 prósent kjósenda í Snæfellsbæ greiddu atkvæði gegn tillögunni, 76 prósent í Helgafellssveit og 65 prósent í Stykkishólmi. Mikil andstaða í Höfðahreppi og Skagabyggð Kjósendur á Blönduósi samþykktu tillögu um sameiningu fjögurra sveitarfélaga í Austur-Húnavatnssýslu með 86 prósentum atkvæða. Kjósendur í hinum sveitarfélögunum voru hins vegar jafn staðráðnir í að sameinast ekki Blönduósi. 92 prósent kjósenda í Höfðahreppi höfnuðu tillögunni, 80 prósent kjósenda í Skagabyggð og 60 prósent í Áshreppi. Sameiningu hafnað í fjórum sveitarfélögum í Suður-Þingeyjarsýslu Tillaga um sameiningu sjö sveitarfélaga í Suður-Þingeyjasýslu var samþykkt í þremur sveitarfélögum en hafnað í fjórum. 75 prósent Húsvíkinga, 56 prósent Raufarhafnarbúa og 52 prósent íbúa í Öxarfjarðarhreppi voru hlynnt sameiningu. 65 prósent kjósenda í Skútustaðahreppi, 75 prósent Aðaldælinga, 54 prósent Tjörnesinga og 51 prósent kjósenda í Kelduneshreppi höfnuðu hins vegar sameiningu. Íbúar þeirra fjögurra sveitarfélaga sem höfnuðu sameiningu verða að kjósa aftur þar sem meirihluti í þremur sveitarfélögum og meirihluti allra kjósenda í sveitarfélögunum sjö var hlynntur sameiningu. Fellt í báðum sveitarfélögum í Skagafirði Skagfirðingar og kjósendur í Akrahreppi höfnuðu sameiningu sveitarfélaganna. 50,6 prósent greiddu atkvæði gegn sameiningu í Skagafirði en 83 prósent í Akrahreppi. Fellt á Reykjanesi 68 prósent kjósenda á Vatnsleysuströnd höfnuðu tillögu um að sameinast Hafnarfirði. Hafnfirðingar samþykktu tillöguna með 87 prósentum atkvæða en þar sem kjósendur í Vatnsleysustrandarhreppi höfnuðu henni er tillagan fallin. Engin sameining í uppsveitum Árnessýslu Íbúar í Bláskógabyggð (59 prósent) og Skeiða- og Gnúpverjahreppi (52 prósent) samþykktu tillögu um að sveitarfélögin yrðu sameinuð Hrunamannahreppi og Grímsnes- og Grafningshreppi. Íbúar hinna hreppanna sögðu hins vegar nei, 70 prósent íbúa Hrunamannahrepps sögðu nei og sama gerðu 84 prósent íbúa í Grímsnes- og Grafningshreppi. Kosið verður aftur í Reykhólahreppi 63 prósent kjósenda í Dalabyggð og 55 prósent kjósenda í Saurbæjarhreppi samþykktu tillögu um sameiningu sveitarfélaganna tveggja og Reykhólahrepps. Kjósendur í Reykhólahreppi höfnuðu tillögunni hins vegar með 69 prósentum atkvæða. Þar sem tillagan var samþykkt í tveimur af þremur sveitarfélögum og meirihluti allra kjósenda í þeim samanlagt greiddi atkvæði með tillögunni verður kosið aftur um hana í Reykhólahreppi innan sex vikna. Bæði Tálknfirðingar og íbúar Vesturbyggðar á móti sameiningu Tálknfirðingar (72 prósent) og kjósendur í Vesturbyggð (59 prósent) höfnuðu tillögu um að sveitarfélögin tvö sameinuðust. 84 prósent í Svalbarðshreppi andvíg sameiningu 66 prósent kjósenda í Þórshafnarhreppi voru reiðubúin að sameinast Svalbarðshreppi en kjósendur þar höfnuðu tillögunni með 84 prósentum atkvæða. Fellt í Norður-Múlasýslu Kjósendur í Skeggjastaðahreppi og Vopnafirði voru á öndverðri skoðun á tillögu að sameiningu sveitarfélaganna. 65 prósent þeirra sem kusu í Skeggjastaðahreppi vildu sameiningu en álíka margir Vopnfirðingar (64 prósent) höfnuðu henni. Tillaga felld í þremur af fjórum sveitarfélögum í Strandasýslu Strandamenn voru lítt hrifnir af tillögu um að sameina Hólmavík, Kaldraneshrepp, Árneshrepp og Broddaneshrepp. Einungis þeir síðast nefndu samþykktu tillöguna, með 75 prósentum greiddra atkvæða, en kjósendur í þremur fyrst nefndu hreppunum höfnuðu henni. Tveir af hverjum þremur kjósendum í Árneshreppi og Hólmavík höfnuðu tillögunni. Mest var andstaðan þó í Kaldraneshreppi þar sem 86 prósent kjósenda greiddu atkvæði gegn tillögunni og er það mesta andstaða við sameiningartillögu sem hefur komið fram það sem af er kvöldi. Íbúar Bæjarhrepps höfnuðu sameiningu Meirihluti kjósenda í Húnaþingi vestra (58 prósent) var reiðubúinn að sameinast Bæjarhreppi. Kjósendur þar höfnuðu tillögunni hins vegar með 61 prósenti atkvæða. Samþykkt á Austfjörðum Kjósendur í fjórum sveitarfélögum á Austfjörðum samþykktu tillögu um að sameina sveitarfélögin og urðu þar með fyrstir, og enn sem komið er einir, til að samþykkja sameiningartillögu. 76 prósent kjósenda í Mjóafirði, 53 prósent í Fjarðarbyggð, 72 prósent í Austurbyggð og 67 prósent kjósenda á Fáskrúðsfirði greiddu atkvæði með því að sameina sveitarfélögin. Nákvæm kosningaúrslit má nálgast hér á vef félagsmálaráðuneytisins.