Verið að fækka sveitarfélögum

Ef meirihluti íbúa allra sextíu og tveggja sveitarfélaganna, sem kjósa um sameiningu næsta laugardag, segir já, mun íslenskum sveitarfélögum fækka um nær helming. Slík þróun væri í ætt við það sem gerðist fyrir þrjátíu til fjörtutíu árum í nágrannalöndunum, segir prófessor í stjórnmálafræði. Sextán sameiningarkosningar fara fram eftir rúma viku, eða þann áttunda október. Sem stendur eru formlega 101 sveitarfélag í landinu en níu hafa þegar samþykkt sameiningu í þrjú. Þannig að heildarfjöldin er níutíu og tvö. Grétar Þór Eyþórsson, prófessor í stjórmálafræði við Viðskiptaháskólann á Bifröst, segir sameiningar sem þessar hafa átt sér stað í nágrannalöndunum fyrir 30 til 40 árum. Þannig hafi það sem Íslendingar eru að gera núna verið gert fyrir 30 árum í Skandinavíu. Núna séu Danir líka búnir að setja lög til að fækka sveitarfélögum og færa umfangsmikil verkefni til þeirra. Grétar Þór segir bæði kosti og galla við sameiningu. Kostirnir séu fjölbreyttari og hugsanlega betri þjónusta. Eins sé það tækifæri fyrir landsbyggðina til að sækja og verjast í landsbyggðaþróuninni. Þá séu heillandi áætlanir um að færa verkefni frá ríkinu til sveitarfélaganna og til að eiga möguleika á því þurfi sveitarfélögin að vera nokkuð stór. En verða þó nógu stór ef sameining verðu samþykkt. Grétar Þór segir það annað mál þar sem verið sé að tala um að færa stóra málaflokka eins og málefni fatlaðra til sveitarfélaganna. Það sé spurning hvort að lítil sveitarfélög með 900 til 1500 íbúa ráði við það. Grétar segir fólk í minni sveitarfélögunum helst hafa á móti sameinignu af ótta við að stærri stveitarfélögin komi til með að gleypa þau minni og taka til sín alla stjórnsýsluna. Grétar býst við 75 til 90 prósenta kosningaþátttöku í litlu sveitarfélögunum en telur þátttökuna geta jafnvel farið undir fimmtíu próent í stóru sveitarfélögunum þar sem hann telur jafnframt líklegra að sameining verði samþykkt.