Stormasamt ár fyrir Berry

Leikkonan Halle Berry hefur játað að árið 2004 hafi verið ansi stormasamt og erfitt fyrir hana. Hún skildi við mann sinn Eric Benet, lagði fram nálgunarbann á Greg Boussard sem ásótti hana og horfði á mynd sína Catwoman floppa í miðasölunni. Berry sagði í bréfi til aðdáenda sinna: "Eins og þið vitið var síðasta ár erfitt fyrir mig, takk fyrir að standa með mér og virða einkalíf mitt. Ég hef hins vegar lært í gegnum árin að dimmunni fylgir ljósið. Ég ætla að læra af síðasta ári. Það er allt hægt ef maður bara trúir."