Sprengjuhótun í vél Atlanta

Hótun um sprengju kom fram í flugvél frá flugfélaginu Atlanta skömmu fyrir lendingu á Gatwick-flugvelli í London skömmu fyrir klukkan tvö í dag. Eftir því sem fram kemur í tilkynningu frá Flugmálstjórn Íslands fann áhafnarmeðlimur hótunina skrifaða á spegil á einum af salernum flugvélarinnar. Flugvélin lenti kl. 14 og var lagt á aviknum stað á flugvellinum þar sem farþegar voru færðir út úr flugvélinni. Enn sem komið er hefur engin sprengja fundist um borð í flugvélinni svo vitað sé. Farþegaranir verða allir yfirheyrðir af lögregluyfirvöldum flugvallarins. Flugöryggissvið Flugmálastjórnar fylgist með rannsókn málsins en hún er alfarið í höndum breskra yfirvalda. Flugvélin er af gerðinni Boeing 757-200 og var að koma frá Megas Alexandros flugvelli í Kavala Chrysoupoli í Grikklandi með 189 farþega innanborðs og níu manna áhöfn. Flugvélin var í leiguflugi fyrir breska flugfélagið Excel og er máluð í þeirra litum. Enginn Íslenskur ríkisborgari var um borð.