Standa vörð um hagsmuni og réttind

Starfsemi Neytendastofu og embætti talsmanns neytenda var kynnt fyrir fjölmiðlum á föstudag en nú eru liðnir tveir mánuðir síðan viðkomandi embætti tóku formlega til starfa. Neytendastofa er ný stofnun sem tekið hefur við verkefnum sem áður heyrðu undir Löggildingarstofu og Samkeppnisstofnun að hluta, en hlutverk hennar er að sinna stjórnsýsluverkefnum á sviði neytendamála. Meðal verkefna sem Neytendastofu eru falin eru rannsóknir á sviði neytendaverndar. Tryggvi Axelsson er forstjóri Neytendastofu. Embætti talsmanns neytenda hefur það hlutverk helst að bregðast við tafarlaust þegar hann telur brotið gegn réttindum eða hagsmunum neytenda. Embættið er að því leyti frábrugðið starfsemi Neytendasamtakanna að hann tekur ekki að sér ágreiningsefni milli seljenda og kaupenda heldur er hlutverk hans meira að kynna löggjöf og reglur varðandi neytendamál. Gísli Tryggvason gegnir því embætti.