Óvenju votviðrasamt og sólríkt

Júlímánuður var bæði óvenju votviðrasamur og sólríkur og víða hlýrri en í meðalári samkvæmt samantekt Veðurstofunnar. Úrkoma í Reykjavík var undir meðalári en yfir meðaltali á Akureyri. Meðalhiti í Reykjavík var tæpar tólf gráður sem er rúmri gráðu yfir meðallagi og tæpar tólf gráður á Akureyri sem er tæplega hálfri annarri gráðu yfir meðallagi. 197 sólskinsstundir mældust í Reykjavík sem er 27 stundum yfir meðallagi og 203 á Akureyri sem er 45 stundir umfram meðallag. Þessi samanburður bendir til þess að sólskinsstundir séu að jafnaði fleiri í Reykjavík en á Akureyri. Þrátt fyrir að bæði Akureyringar og Reykvíkingar hafi kvartað undan vætu eru dæmi um að úrkoman hafi mælst meira en fjórum sinnum meiri en þar, til dæmis á Akurnesi, norðan við Höfn í Hornafirði. Það var reyndar mesta úrkoma sem mælst hefur þar í tíu ár. Það er nokkur þversögn við hrollkalda ímynd hálendisins að á Hveravöllum var meðalhitinn í júlí rösklega níu gráður eða innan við þremur gráðum lægri en á Akureyri og í Reykjavík.