Unnið að viðbragðaáætlun

Unnið er að viðbragðaáætlun vegna hugsanlegra eldsumbrota undir Mýrdals- og Eyjafjallajöklum, jökulhlaupa til sjávar og jafnvel flóðbylgju í kjölfarið. Skipulagsvinnan endar á allsherjaræfingu þar sem reynt verður á alla þætti viðbragðaáætlunarinnar. Stefnt að því að æfingin verði haldin helgina 21.-23. október og hefur hún hlotið vinnuheitið Bergrisinn. "Markmið æfingarinnar er að láta reyna á alla þætti viðbragðaáætlunarinnar auk þess að þjálfa heimamenn," segir Björn Halldórsson, deildarstjóri almannavarnadeildar Ríkislögreglustjóra. "Einn þáttur í því er að æfa rýmingar heimila en auk þess verður lögð áhersla á boðleiðir, samskipti, samstarf og stjórnun." Þessa dagana vinna vísindamenn að því að búa til ímyndaða atburðarás, byggða á eins raunverulegum hugmyndum og best verður á kosið, og verður æft út frá þeirri atburðarás. "Svona æfingar eru mjög mikilvægar," segir Björn. "Pappírarnir eru lítils virði ef það sem verið er að setja upp væri ekki æft." Unnið er að viðbragðaáætlun vegna hugsanlegra eldsumbrota undir Mýrdals- og Eyjafjallajöklum, jökulhlaupa til sjávar og jafnvel flóðbylgju í kjölfarið. Skipulagsvinnan endar á allsherjaræfingu þar sem reynt verður á alla þætti viðbragðaáætlunarinnar. Stefnt að því að æfingin verði haldin helgina 21.-23. október og hefur hún hlotið vinnuheitið Bergrisinn. "Markmið æfingarinnar er að láta reyna á alla þætti viðbragðaáætlunarinnar auk þess að þjálfa heimamenn," segir Björn Halldórsson, deildarstjóri almannavarnadeildar Ríkislögreglustjóra. "Einn þáttur í því er að æfa rýmingar heimila en auk þess verður lögð áhersla á boðleiðir, samskipti, samstarf og stjórnun." Þessa dagana vinna vísindamenn að því að búa til ímyndaða atburðarás, byggða á eins raunverulegum hugmyndum og best verður á kosið, og verður æft út frá þeirri atburðarás. "Svona æfingar eru mjög mikilvægar," segir Björn. "Pappírarnir eru lítils virði ef það sem verið er að setja upp væri ekki æft."