Kári í ÍE leysir af á Landspítala

Kári Stefánsson forstjóri Íslenskrar erfðagreiningar ætlar að eyða viku af sumarfríi sínu við lækningar á Landspítala-háskólasjúkrahúsi. "Ég er bara leysa af mér til skemmtunar og til að rifja upp gamlar minningnar. Það er gaman að fá að vinna með fólkinu á Landspítalanum sem við erum að vinna með í ÍE og einnig að hlúa að lösnu fólki, sem er auðvitað það sem maður lærði upphaflega," segir Kári. Kári vann síðast sem taugalæknir fyrir níu árum í Bandaríkjunum. "Þá var ég búin að vinna í 20 ár sem læknir svo ég hef engar áhyggjur af þessu," segir Kári, en það var Elías Ólafsson yfirlæknir á taugalækningadeild Landspítalans sem fékk hann til starfa sjúkrahúsinu.