Öryrkinn ósigrandi upp Esjuna

Allt er hægt ef viljinn er fyrir hendi. Þetta ætlar öryrkinn ósigrandi, eins og hann kallar sig, að sanna í Esjuferð sinni en hann stefnir á að vera kominn á toppinn á miðnætti í kvöld. Ungmennahreyfing Sjálfsbjargar stendur fyrir verkefninu með aðstoð góðra manna. Öryrkinn ósigrandi er Leifur Leifsson, tvítugur orkubolti úr Reykjavík sem lætur fátt stoppa sig. Hann lagði af stað í leiðangur fyrr í dag og var ferðinni heitið upp á topp Esjunnar. Hátt í þrjátíu manns koma að ferðinni í heild og hópurinn áætlar um 10 klukkutíma í hana. Það er stefna að vera á toppi Esjunnar á miðnætti og ná miðnætursólinni segir Leifur. Ferðin er hluti af verkefni Ný-ungar, ungliðahreyfingar Sjálfsbjargar, sem stendur fyrir í sumar og á að bæta ímynd öryrkja. Leifur segir tilganginn vera þann að sýna öryrkjum að þeir geti allt sem þeir vilja bara ef þeir nenna því Hann lætur því fátt stoppa sig en ferðina fer hann þó ekki einn og segist fara þarna upp með aðstoð Hjálparsveitar skát og Ferðafélags Íslands og sjálfboðaliðum. Hann sagði öryggið vera tryggt af Hjálparsveit skáta. Hann segir ferðina vera burð, tog og tos og að aðstoðarmenn hans sjái um það.